一個不明白人家難處的人，又如何可以令人為你賣命工作呢?

欲鼓励民众，你必须道出他们内心深处的渴望，激励他们的信心，能够攀登他们向来仰之弥高的山峰。--列根

政治與商業的不同處

剛剛聽完「打書釘」，劉細良提出一個政治與商業人才基本分別的說法:

政治:重過程多於結果 (過程:民主)
因為結果可能係幾十年之後先睇到,
商業:重結果多於過程

正因為咁，所以香港商人從政多數失敗..因為佢地慣左一言堂，就算真係睇法正確，亦不會做到令人民覺得有問過佢地意見。

而我就覺得佢只係講左個表徵，而唔係主因..

我相信不論商人定係政客，都有佢地想做的事，亦即想引領至一個主觀的方向,
即大家都重視結果.所不同的是結果逹不到，政客不一定下台，而CEO逹不到標，董事局可能會
換掉他。
這正正就是問題所在，對過程的重視與否，是否需要民心，是建機於"所有權"

古中國是一個獨權的例子
因為一間公司的所有權在老闆手，而員工的反應根本不能動搖這所有權，
所以老闆作風可以很獨裁，亦即劉所說的不重視過程，不理外人內人的睇法。
而一般管理層，在一個不會受到影響其"所有權"(話事權)的特定範圍下，亦有權選擇類似作風。
因為其權力只受上司/老闆影響，所以只需理會上司/老闆所concern的事便可，如逹到業績與否。正因此，所以中國的宮庭術在這環景很受用

而現代政治指出民權的重要，人民是國家所有權的擁有者，而國家機器是係用來運作國家的工具，總統只係代理人去控制很多不同的權力。
但最重要的是，佢要睇人民面口。
而一般人對另一個人的睇法，除了佢的"結果"成績外，平時的一舉一動亦會有好有影響..
所以政客要keep形像，要重過程。假如因為過程做得唔好，得唔到佢地支持，隨時有機會拉下馬，又點有機會逹到自己想做的結果。

總括而言，需唔而要理人的睇法係在於"權力"係邊個手

交朋結友，與人公事都係一樣，
朋友關係係可以物件化，所有權不在單方，所以要理對方睇法。
要teamwork做一件事才有機會成功，等於逹成結果的"所有權"不全在你手，
所以要顧佢感受，過程。

要做的事

寫下:

1. Book list
2. 我的知識發展史

Today is a new day

Everyday is a new day,
不要老被昨天纏住自己..

Tomorrow is another day--Gone with the Wind
希望，使人活着，往前

Today is a new day

今天 不要有機會讓事情變壞

以九型人格黎睇，我應該係5號仔，思考型的人。
好聽D係會唸下野，
但可惜，我係只唸不做，無行動的人，
結果係仲衰過嗰D唔唸野的人。
因為唸過，會jet高左自己的expectation，
同樣都係無逹到，但失落感會好大，
再加下自己明知唔做就實無結果的情況下，都堅持唔行動..
罰惡感、內疚感好大，不斷自責...

究竟係自己無能力?
無膽? 定係信唔過自己的能力?
成日都覺得一定有野miss左，成日係度怕、怕，怕...
有時都真係唔知自己係度怕乜...

剛剛睇完一篇文章，其中一個point幾好...

佢話:
　你大概還記得白雪皇后所說的，「這裡的規矩是，明天可以吃果醬，昨天可以吃果醬，但今天不准吃果醬。」
我們大多數人也是這樣——為昨天的果醬發愁，為明天的果醬發愁——卻不會把今天的果醬厚厚地塗在我們現在吃的麵包上。

約翰·羅斯金在他的桌子上放了一塊石頭，石頭上只刻了兩個字：「今天」。

我是否常為過去發生的事後悔，讓那些已經過去、已經做過的事使自己現在更難受？
中晒!!

真係一語中的。
原來我自己真係成日都係度唸，過去的日子做得點唔好,有幾唔好..
又怕陣間點衰點衰，一定會有衰野發生..
從來無唸過呢該要做乜..
「活在當下」
同人講就識，自己根本做唔到...

「今天」呢兩個字，黎到呢刻，先開始感到佢既份量同重要性。

原來一直都張時間放係擔心將來、自責過去；根本無活在今天..
更甚者，我成日都自己起火頭來讓將來有野煩自己。

好似前幾日阿wil叫我簽名，本來話左去..
點知瞓左聽唔到電話無簽到...
想打比佢，但又係度唸佢會點，唸唸下，一如以往，都係愈唸愈有鬼...
都係無打到...唉..
呢幾日一直都怕左個電話，怕比人話..一直避..
本來一件小事，避下避下，比件事不斷發"how"...自己仲成日提心跳膽...
都係自己攞黎。

憂慮並不能夠解決問題

「如果當時我一直擔心下去的話，恐怕再也不可能做到這一點。因為憂慮的最大壞處，就是毀摔集中精神的能力。在我們憂慮的時候，我們的思想會到處亂轉，而喪 失所有做決定的能力。然而，當我們強迫自己面對最壞的情況，而在精神上先接受它之後，我們就能夠衡量所有可能的情形，使我們處在一個可以集中精力解決問題 的地位。

1. 做好現在，減少火頭，以免日後煩慮
2. 分析情況，接受最壞後果，然後找出有建設性的行動

　 1、問你自己：「可能發生的最壞情況是什麼？」
　　2、如果你必須接受的話，就準備接受它。
　　3、然後很鎮定地想辦法改善最壞的情況。